APRISIONES et APPRISIONES

APRISIONES et APPRISIONES

in Chartis Caroli M. Ludovici Pii et Caroli Calvi pro Hispanis, sunt novalia seu atva primum proscissa ac aperta, quae in solitudinem ab ipsis Regiis Marchionibus redacta, Hispanis, qui se de potestate Saracenorum subtraxerant, a Carolo M. excolenda fuerint data, uti quidem, praeter alios, Iac. Gothofredus asserit, ad L. unic. Cod. theodos. de Rei vindic. Vel agri in portionem seu sortem dati, tamquam adportiones, quos ii postmodum ex eremis et incultis ad cultum traduxerunt, donô praefatorum Imperator. illorum possessionem nacti, ut pluribus contendunt Steph. Baluzius Appendic. ad Capitular. Regum Francor. et Car. du Fresiae in Glossar.